Annwyl Rieni/Warchodwyr

Mae'n bleser gennyf gyflwyno ein Prosbectws i chi.  Ysgol Wledig Naturiol Gymraeg yw ysgol Clocaenog sy'n gwasanaethu pentrefi Clocaenog, Clawddnewydd, Derwen a'r ardaloedd cyfagos.  Rydym yn gwerthfawrogi ein disgyblion a'n prif nôd yw darparu awyrgylch ddiogel a hapus sy'n galluogi pob un ohonynt i ddatblygu ei ddoniau i'r eithaf.

Ein hamcan yw creu amgylchedd cyfeillgar a sefydlog, lle perchir rhinweddau gonestrwydd a charedigrwydd, a lle mae trefn yn bodoli er lles pawb.

Petaech yn dewis anfon eich plentyn i Ysgol Clocaenog, rwyf yn hyderus iawn y byddwch wedi gwneud y penderfyniad cywir.  Edrychaf ymlaen at gydweithio â chi i roi'r addysg orau bosibl i'ch plentyn.  Os bydd gennych unrhyw ymholiadau neu bryderon, cofiwch gysylltu â mi unrhyw bryd yn yr ysgol.

Yn gywir

Gwennol A Ellis (Pennaeth)