|
Cychwynodd llond bws o rieni, plant a chyfeillion ben bore ar Ragfyr 17eg ar wibdaith i Bournville. Cafwyd diwrnod bendigedig a diolch i Lynne a Llinos am drefnu.
|
|
|
Gweithgareddau diwedd tymor yr Hydref |
|
|
|
|
Bu plant yr ysgol yn hynod o brysur ar ddiwedd y tymor. Cynhaliwyd ein cyngerdd, cinio a pharti Nadolig yn Neuadd yr Eglwys, Clocaenog. Rydym yn ddiolchgar iawn fod y Neuadd ar gael inni bob amser, yn gynnes, yn lan ac yn hwylus. Bu'r disgyblion hynaf yn cynhyrchu cardiau Nadolig ar y cyfrifiadur i'w gwerthu. Fe wnaethant elw sylweddol a bellach maent wedi dewis gwario'r arian ar brynu offer chwarae ar y buarth. Diolch yn fawr i bawb brynodd y cardiau.
|
|
|
Pantomeim Dick Whittington |
|
|
|
Cafodd y disgyblion a'r athrawon brynhawn gwych yn Theatr Clwyd ddiwedd Ionawr. Roedd y pantomeim yn gynhyrchiad safonol iawn gyda'r sét, y gwisgoedd, yr effeithiadau arbennig, yr actio a'r canu yn gwefreiddio. Rhaid diolch i Gyfeillion yr Ysgol am eu haelioni yn ysgwyddo cost yr ymweliad.
|
|
|
Fel arfer, mae'r disgyblion yn brysur iawn yn paratoi pob math o gampweithiau ar gyfer y cystadleuthau Celf a Chrefft yn ystod y Clwb Crefft ar ol ysgol. Pob lwc yn yr Eisteddfod.
|
|
Am y tymor yma'n unig, rydym yn defnyddio'r Neuadd yng Nghanolfan Cae Cymro ar gyfer ein gwersi dawns a gymnasteg. Arbrawf ydy hyn ac hyd yma mae'n llwyddianus a'r disgyblion yn cael digonedd o le i ymarfer eu sgiliau. Hefyd mae'r daith yn llai gan fod yr ysgol wedi bod yn teithio i Gorwen ar gyfer y gwersi yma yn y gorffennol.
|
|
|
Croeso i Daniel sydd wedi ymuno a'r dosbarth Meithrin.
|
|
Mae nifer dda o ddisgyblion yn mynychu'r Clwb ar nos Fawrth sy'n cael ei redeg gan y rhieni gyda Matthew Newcome yn hyfforddi. Mae croeso i blant o'r tu allan i'r ardal ddod i'r Clwb sy'n cyfarfod yng Nghlawdd Newydd ym misoedd gaeaf ac yng Nghlocaenog yn yr haf. Am fwy o fanylion cysylltwch a'r ysgol.
|
|
Y tymor diwethaf, roedd y plant hynaf yn astudio Lesotho a De Affrica. Y tymor yma, rydym yn aros yn llawer agosach i adref gan ganolbwyntio ar yr ardal leol a'r diwydiant amaeth. Mae'r disgyblion ieuengaf yn dilyn y thema Ysgol.
|
|
Diweddarwyd olaf ar ( Gwener, 03 Chwefror 2006 )
|
|
|
